Қурилиш соҳасида назорат

Буюртмачининг буюртмасига асосан лойиҳа-смета ҳужжати ишлаб чиқилиб, экспертизадан ўтказилгандан сўнг объект қурилишини (реконструкциясини) бошлашга рухсат олиш учун Давлат хизматлари марказига (ДХА) электрон ариза билан мурожаат қилади;

ДХА Қурилиш-монтаж ишларини бошлаш тўғрисида хабарномани ҳудудий инспекцияга юборади.

Изоҳ: Вазирлар Маҳкамасининг 2018 йил 18 майдаги 370-сон қарори 5-иловаси

Қурилиш соҳасида ҳудудий назорат инспекцияси:

– қурилиш (реконструкция) объекти бўйича қурилиш ишлари назоратини олиб бориш учун шартномани тайёрлайди 10 дақиқада ДХАга оммавий офертани расмийлаштириб ўз инвойиси орқали юборади;

– объект тўғрисида маълумотларни, буюртмачининг техник назоратчиси, лойиҳачи ташкилотининг муаллифлик назоратчиси, пудрат ташкилоти вакиллари тўғрисида электрон “Шаффоф қурилиш” тизимга киритади;

– объект бўйича буюртмачининг техник назорати, лойиҳачининг муаллифлик назорати ва пудратчининг ички назорат ходимларига ахборот тизимида шахсий кабинетларини рўйхатдан ўтказади;

– хабарнома келиб тушгандан ҳамда инвойс расмийлаштирилгандан сўнг қурилиш объекти топшириғини шакллантириш учун ҳудудий инспекция раҳбарига юборади.

Изоҳ: Вазирлар Маҳкамасининг 2018 йил 18 майдаги 370-сон қарори 5-иловаси ҳамда 2020 йил 19 ноябрдаги 732-сон қарори

Инспекция инспектори:

Қурилиш объектига инспекция раҳбарининг буйруғи тасдиқланади ва  инспектор бириктирилади ҳамда шаҳарсозлик фаолияти субъектларининг молиявий-хўжалик фаолиятига аралашмасдан танлаб назорат ишларини амалга оширади.

• объектни мураккаблик тоифасидан келиб чиқиб режа жадвалини ишлаб чиқади ҳамда раҳбариятдан тасдиқлайди;
• Текширувларни электрон рўйхатга олиш ягона тизимида рўйхатдан ўтказиш орқали ваколатли орган (Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил-Омбудсман)ни хабардор этади.

      Изоҳ: Ўзбекистон Республикаси Президентининг 2018 йил 27 июлдаги ПФ-5490-сон Фармони ҳамда  Ўзбекистон Республикаси Адлия вазирлиги томонидан 2018 йил 7 сентябрда 3067-сон билан рўйхатга олинган Бош прокуратуранинг 2018 йил 6 сентябрь Б-55-сон буйруғи

• қурилиш объектида объектнинг паспорти мавжудлиги ва уни кўринарли жойда ўрнатилганлиги ўрганади;
• қурилиш майдони ҳудуди вақтинча ёпиқ тўсиқ билан ўралганлиги;
• қурилишга ажратилган ер майдонини ва хар бинонинг лойиҳадаги аниқ чегараси бўйича қозиқларни (разбивка) қоқилганлиги ҳамда УзГАШК ЛИТИ лойиҳа ташкилотини далолатномасини мавжудлиги;
• қурилиш объектида буюртмачи томонидан тасдиқланган ишчи лойиҳа ҳужжатлари мавжудлиги;
• пудратчи томонидан ижро техник ҳужжатлар шаҳарсозлик нормалари ва қоидалари талаблари асосида (умумий иш юритиш, кириш назорати, бетон ишлари, пайвандлаш ишлари, техника хавфсизлиги журналлари, ёпиқ ишлар тури бўйича далолатномалар ва бошқалар) юритилганлиги,
  ШНК 3.01.01-03 талаблари асосида тўлдирилаётган журналлар формаси талабларига жавоб бериши ва тўлиқ расмийлаштирилиши;
• лойихани жойига кўчириш далолатномаси, пойдевор замин тупроқ ишлари бўйича геологик хулосаси, ПОС, ППР ва х.к.;
• объектда техник, муаллифлик ва пудратчининг ички назорати юритилиши ўз вақтида таъминланганлиги;
• лойиҳа ва пудрат ташкилоти – ишлар ва хизматлар ижрочиларида лойиҳалаш ва қурилиш фаолиятининг лицензиялаштириладиган турларини амалга оширишда лицензияларнинг мавжудлиги;
• қурилиш материаллари ва буюмларининг мувофиқлик тўғрисидаги сертификат ва паспортлари мавжудлиги, уларни
  ШНҚ 3.01.01-03 талабларига риоя этилган холда сақланиши;
• объектда пудратчи ташкилот томонидан қурилиш-монтаж ишлари ШНҚ 3.01.01-03нинг талабларига риоя этилган холда олиб бориллиши, қурилишда иштирок этаётган мухандис-техник, ишчилар, мехнизаторлар техника хавфсизлиги бўйича кириш инструктажи ва иш жойида инструктаж ўтказиллиши ҳамда махсус кийим-бош билан таъминлангани;
• объектда вақтинчалик иншоотлар қурилиши  таъминланиши (бино, санузел, вақтинчалик йўл);
• қурилиш-монтаж ишларининг шаҳарсозлик нормалари ва қоидалари ҳамда тасдиқланган лойиҳа ҳужжатларига мослиги;
• объектга келтирилган қурилиш материалларининг мувофиқлик кўрсаткичларига, бажарилган қурилиш монтаж ишларининг лойиҳавий кўрсаткичларга мослиги бўйича синов лаборатория хулосалари мавжудлиги (зарур ҳолларда, лаборатория ходимлари ва бошқа мутахассисларни жалб этган ҳолда);
• объектда ташиб келтирилаётган бетон қоришмасидан бетон маркасини аниқлаш бўйича намуналар олиш учун 150х150mm, 100х100mm формалар мавжудлиги;
• ер ишларини бажаришда ёпиқ ишлар далолатномасини мавждулиги;
• бетон ишларини лойиҳа-смета ҳужжатлари талабларига мувофиқлиги;
• пойдевор бетон конструкцияларидан чиқаётган  арматураларнинг ҳимоя қатламлари   лойиҳа ҳужжатлари  талабларига жавоб беришлиги;
• бетон пойдевор лойиҳа ҳужжатлари талабларига риоя этилиши, лойиҳавий ўқдан силжиши;
• пойдевор бетон гидроизоляцияси бажарилиши;
• ғишт териш ишлари, горизонтал ва вертикал чокларни ШНҚ талабларига мувофиқлиги лойиҳада кўзда тутилган сеткани мавжудлиги;
• бетоннинг пойдевор бетон қисмидан чиқувчи колонна каркаслари ўз ўқидан силжиши ҳолати;
• бинонинг конструкция элементларидаги вертикал ва горизонтал ишчи арматураси уланиши ШНҚ ва лойиҳа талабларига мувофиқлиги;
• колонна, ригель конструкциялари манолит темир бетон узлуксиз бажарилиши, ёриқларни мавжудлиги;
• ораёпма плиталар орасини бетон қоришма билан ШНҚ ва УТР ишчи чизмалар талабларига асосан бажарилиши;
• ички ва ташқи пардозлаш, фасад, пол, цокл қисми ҳамда ногиронлар учун пандус ишларини лойиҳа ва ШНҚ талаблари асосида бажарилганлиги;
• бинонинг том ёпиш ишларида ишлатилган ёғоч конструкцияларининг ўлчамлари лойиҳа ва ШНҚда белгиланган талабларга мувофиқлиги  назорат қилади;
• объект бўйича буюртмачи, пудратчи ва лойиҳачи ташкилотларга нисбатан йўл кўйилган камчиликлар юзасидан ёзма кўрсатма бериш ва маъмурий жавобгарлик чораларини кўради.

Изоҳ: Вазирлар Маҳкамасининг 2020 йил 20 августдаги 496-сон қарори, Қурилиш вазирлигининг амалдаги “Шаҳарсозлик нормалари ва қоидалари” гуруҳларга асосан

Фойдаланишга топшириш:

Инспектор давлат қабул қилиш комиссияни расмийлаштиришда ШНҚ талабига мувофиқ   буюртмачи ёки бош пудратчининг объект ёки ускуналарни топширишга тайёр эканлиги тўғрисидаги ёзма хабарномаси олингандан кейин беш кундан кечиктирмасдан ташкил этилади;

• инспектор объектни ўрганиб чиқиб, инспекция бошлиғига ёзма хулоса беради;
• Инспекторни ёзма хулосасига асосан инспекция бошлиғи Давлат қабул қилиш далолатномасини имзолайди.

Изоҳ: Қурилиши якунланган объектни фойдаланишга топшириш Вазирлар Маҳкамасининг 2018 йил 18 майдаги 370-сон қарори 7-иловаси ҳамда ШНҚ 3.01.04-19 га асосан амалга оширилади

Рўйхатдан ўтмаган объектларда назорат ишларини амалга ошириш:

• рўйхатдан ўтмаган, қурилиш ишлари қисман амалга оширилган ёки қурилиши якунланган бино ва иншоотларда аниқланганда буюртмачилар томонидан мажбурий тартибда ҳудудий инспекциялардан рўйхатдан ўтказилади;
• ҳужжатларни расмийлаштириш учун белгиланган тартибда инструментал техник текширув хулосасини олишлари мажбурий талаб этилади.
• инструментал техник текширувлар натижасига кўра, бино ва иншоотларнинг техник ҳолатларида камчилик ва нуқсонлар аниқланган тақдирда, буюртмачилар билан лойиҳачилар биргаликда ушбу аниқланган камчилик ва нуқсонларга бартараф этилиши юзасидан қўшимча ишлаб чиқилган, тасдиқланган ишчи лойиҳа бўйича бартараф қилишлар ҳамда бартараф этилганлигини тасдиқловчи тегишли ижро ҳужжатларини ҳудудий инспекцияларга тақдим этиши ушбу объектга фойдаланиш учун рухсат беришга асос бўлади.

Изоҳ: Вазирлар Маҳкамасининг 2020 йил 20 августдаги 496-сон қарори